കാമുകിയെ കുറിച്ച് ഒരു പബ്ലിക് സ്പേസില് വിചാരണ ചെയ്യുന്നത് ശെരിയോ തെറ്റോ? എനിക്ക്
സംശയമില്ല. ഇത് വായിച്ചിട്ട് നിങ്ങള് പറയുക.
ഇവളെ കൂടെ കൊണ്ടുനടക്കാന് തുടങ്ങിയിട്ട്, ഏകദേശം മൂന്ന് പതിറ്റാണ്ടോളമായി.
ഞങ്ങള് ഒരുമിച്ച് വളര്ന്നു, വളര്ന്നുക്കൊണ്ടിരിക്കുന്നു. മഴയേ തലോടുമ്പോഴും,
വേനലിനോട് പിണങ്ങുമ്പോഴും, സാഹസികമായ ബോട്ട് യാത്രയിലും, ഭയാനകമായ ബസ്സ്
യാത്രകളിലും, സുഖപ്രദമായ മെട്രോയിലും എല്ലാം ഞങ്ങള് പ്രണയിച്ചുക്കൊണ്ടേയിരുന്നു. ഒരുപാട്
പ്രണയിച്ചു, പ്രണയം തുടര്ന്നുക്കൊണ്ടിരിക്കുന്നു.
Nothing is constant, but change. മാറ്റം, അത് അനിവാര്യമാണ്. എല്ലാരും
ആഗ്രഹിക്കുന്നതാണ്. മാറ്റങ്ങള്, അത് നമ്മള് അറിഞ്ഞും അറിയാതെയും ഉണ്ടാവുന്നു.
നമ്മള് അതില് എങ്ങിനെ ലയിക്കുന്നു എന്നതിലാണ് കാര്യം. ഇത്തരത്തിലുള്ള ഒരു മാറ്റം
ഞാന് എന്റെ കാമുകിയില് കണ്ടു. പാരമ്പര്യവും, ചരിത്ര പ്രാധ്യനവും ഉള്ള ഒരു കുടുബത്തിലെയാണ്
ഇവള്. പക്ഷെ അതിന്റ്റെയൊന്നും യാതൊരു അഹംഭാവം ഇവളില് കണ്ടിരുന്നില്ല.
അതുക്കൊണ്ടാവും പരിജയപ്പെടുന്നവര്ക്കൊക്കെ ഇവളെ ഇഷ്ടമാണ്. ഞാന് അതില്
അഭിമാനിക്കുന്നു. ഇപ്പോള് വന്ന മാറ്റം, അതെന്നെ വല്ലാതെ അങ്ങ് കൊതിപ്പിച്ചുതുടങ്ങി.
ഇവളില് ഉണ്ടായ മാറ്റം, ഞാന് മാറിനിന്ന് ആസ്വദിക്കുകയാണ്. അഭിമാനത്തോടെ. ഇവന്
എന്ത് കാമുകനാണ് എന്ന് തോന്നുണ്ടാവും. നുമ്മ ഇങ്ങനാണ്!!!
ഇത്രെയും നാള് കൂടെ ഉണ്ടായിട്ടും, ഇതുവരെ കാണാത്ത ഒരു സൗന്ദര്യം ഇവളില്
കണ്ടുതുടങ്ങി. മൊത്തത്തില് ഒരു ചേഞ്ച്. കുളിര്മയേകുന്ന മാറ്റം. വൃത്തിയുള്ള
മാറ്റം. ആദ്യമായി കാണുന്നവര് ഇമചിമ്മാതെയും, പരിച്ചയമ്മുള്ളവര്
പ്രോത്സാഹിപ്പിച്ചും, പുച്ചിച്ച്ചവര് ഇപ്പോള് പുഞ്ചിരിച്ചും ഇവളെ വല്ലാതെയങ്ങ്
മോഹിച്ചുതുടങ്ങിയിരിക്കുന്നു. ഇപ്പോഴും ഞാന് മാറിനിന്ന് ആസ്വദിക്കുകയാണ്. ഒരു
നിത്യ കാമുകനെപ്പോലെ. പെട്ടനാണ് ഇടി വെട്ടിയത്. മേഘങ്ങള് ഇരുണ്ടുതുടങ്ങി.
ന്യൂട്ടന്റ്റെ തലയില് ആപ്പിള് വീണു. ബാക്കി ചരിത്രമാണ്. ഇടി വെട്ടിയത് എന്റെ
തലയില് അല്ലാ, പാമ്പും കടിച്ചില്ല. പക്ഷെ, ആ ഇടിവെട്ടില് എന്നില് ഒരു ഭോധോദയം
ഉണ്ടായി. എന്റെ കാമുകിക്ക്, ഇങ്ങനെ, ഇപ്പോള് ഉണ്ടായ ഈ സുന്ദരമായ മാറ്റത്തിന്
എത്ര നാള് ആയുസ്സാണ് ഉള്ളത്? രാത്രിമഴയില് എല്ലാം ഒഴുകിത്തീരുവോ? ഇപ്പോള്
എനിക്ക് ചെയ്യാവ്വുന്നത്, പ്രതീക്ഷ മാത്രമാണ്. ഹോപ്. ഭാവിയിലെ മാറ്റങ്ങളെ ഉള്കൊള്ളാന്
പറ്റിലെങ്കിലും, പിന്നോട്ടുള്ള വഴി തേടി പോകരുത്. അത്രത്തോളം ഇഷ്ടപെട്ടുപോയി.
അതുകൊണ്ടാണ്. നിന്റെ കാമുകന്മാരുടെ എണ്ണം കൂടി എന്ന് ഞാന് വിളിച്ചു പറയാം.
അഭിമാനത്തോടെ.
നുമ്മട കാമുകി ആരാണെന്ന് നിങ്ങക്ക് വല്ല മനസ്സിലായാ? യെവട!!!
നുമ്മട കാമുകിയെ നിങ്ങ അറിയും. നിങ്ങ ഒക്കക്കൂടി ആണ് അവക്കൊരു പേര് ഇട്ടേക്കണ –
“അറബിക്കടലിന്റ്റെ റാണി” !!!
എന്റെ കാമുകി. എന്റെ കൊച്ചി.
പ്രിയപ്പെട്ട എല്ലാവരും അറിയുക. കഴിഞ്ഞ ഒരു ആഴ്ചയില്, കൊച്ചി നഗരം,
പ്രധാനപെട്ട പ്രദേശങ്ങളില് എങ്കിലും, വന്ന മാറ്റം, വളരെ കുളിര്മയെകുന്നതാണ്.
കുണ്ടും കുഴിയും ഇല്ലാത്ത റോഡുകള്. സമയഭധിധാമായി ചെയ്ത് തീര്ത്ത ടാറിംഗ് ജോലികള്.
റോഡുകളുടെ ഇരു വശത്തും, മീടിയനുകളുടെ ഇരുവശത്തും കൂടിക്കിടന്നിരുന്ന മണല് കൂനകള്
ഇപ്പോള് ഇല്ല. അതുകൊണ്ടുതന്നെ മണല് കാറ്റുമില്ല. മീഡിയനുകളുടെ നടുവില് ചെറു
കാടുകള് രൂപംകൊണ്ടിരുന്നു. ഇപ്പോള് കാണുന്നത് അലങ്കൃതമായ പുഷ്പനിരകള്.
നഗരത്തിലെ മൈധാനങ്ങള് ഇപ്പോഴാണ് മൈധാനം ആയത്. പൊതുസ്ഥലങ്ങളിലും മറ്റും മാലിന്യകുംബാരങ്ങള്
ഇപ്പോള് കാണ്മാന്നില്ല, എന്നിങ്ങനെ പല പല നല്ല മാറ്റങ്ങള്. ഇതെല്ലാം
വിരലിലെണ്ണാവുന്ന ദിവസങ്ങള്കൊണ്ട് മാറിയതാണ്.
നമ്മുടെ നാട് ഇങ്ങനെ ധ്രുതഗതിയില് നന്നാവണമെങ്കില്, ഒരൊറ്റ ഫോര്മുലയെ
ഉള്ളു. അതിതാണ്: ആറുമാസ്സത്തിലോരിക്കല് പ്രസിഡന്ന്റ്റിനെയോ, പ്രധാനമന്ത്രിയോകൊണ്ട്
സന്ദര്ശനം നടത്തുക. അല്ലെങ്കില്, ഇടയ്ക്കിടയ്ക്ക് ഒരു അന്താരാഷ്ട്രതലത്തിലുള്ള
എന്തെങ്കിലും ഒരു സമ്മേളനമോ, സാംസ്കാരിക മേളയോ, ഇപ്പോള് നടക്കുന്ന ലോക കപ്പ്
പോലെയുള്ള പരിപാടികള് കൊണ്ടുവരിക. നഗരവും പരിസരവും താനേ നന്നാവും.
No comments:
Post a Comment